Obiettivi

Prima ni vutamu la nostra attenzioni â lingua dâ Sicilia, vistu ca lu virnaculari sicilianu pari di stimarisi chiù di qualsiasi àutru, e picchì tutta la puisia scritta dî Taliani è chiamata "siciliana". — Dante Alighieri, De Vulgari Eloquentia

È dû 1979 ca Arba Sicula traduci lu megghiu dâ littiratura siciliana p'un pubblicu mundiali. Napizia Magazine traducirà la megghiu dâ littiratura mundiali p'un pubblicu sicilianu.

Usamu la palora "siciliana" in senzu largu. Si parra la lingua siciliana in Sicilia, in Calabria e in Pugghia. E si parra sicilianu puru a New York. Dî sò origini ntî Dui Sicili, la lingua siciliana nfluinzau lu munnu.

William Shakespeare scrissi li sò sonetti secunnu la struttura di 14 versi ca Giacopo da Lentini e la Scola Siciliana di Pueti recitavanu â curti imperiali di Federicu II.

Lu sicilianu desi la sò littiratura ô munnu. Ora darremu la littiratura dû munnu ô sicilianu. A stu scopu, criamu na rivista culturali di traduzzioni ca prisenta na ricota eclettica d'articuli supra na vasta gamma di argumenti. Dû dominiu pubblicu o di Creative Commons, ricugghiemu "articuli nun gravati." E li traducemu tutti in sicilianu. Lu nostru archiviu havi un innici cumpletu.

Spiramu ca vi piacirannu li nostri traduzzioni. Spiramu ca vi piacirà Napizia Magazine.